Средба со крводарителите од општина Чешиново-Облешево

По повод 17-ти март , Денот на крводарителството во Република Македонија , Општинската организација на Црвен крст –Кочани остварија средба со градоначалникот Костадин Личков и крводарителите од општина Чешиново-Облешево. Целта на оваа средба беше заеднички да се изрази благодарност и да биде нагласена улогата која крводарителите ја имаат во спасувањето на човечки животи преку донирање на својата крв и нивната поширока улога во општеството како позитивни примери за хуманост , солидарност и волонтерство.