ЈАВЕН ПОВИК за изнајмување на простор за поставување на штанд за продажба на прехранбени продукти и пијалоци на 20.09.2026 година
По повод претстојниот Празник на Општина Чешиново-Облешево (Мала Богородица), а во согласност со Одлуката за утврдување на висината на надоместокот за закуп на локации за поставување на тезги и штандови на манифестацијата „Ден на општина Чешиново-Облешево“ (Сл.гласник на Општина Чешиново-Облешево бр.14/26) Општина Чешиново-Облешево објавува
На јавниот повик може да се јават сите заинтересирани правни и физички лица од општината и пошироко.
Надоместокот за закуп е утврден со Одлука од Советот на Општина Чешиново-Облешево, а локациите се ограничени и обележани/ маркирани од страна на општина Чешиново-Облешево и тоа :
- Локација бр.1 – 150 м2 – надоместок за закуп 6000 денари и
- Локација бр. 2 – 150 м2 – надоместок за закуп 6000 денари.
Повикот трае 5 работни од неговото објавување на страната на општина Чешиново-Облешево, односно до 14.09.2026 година до 15.00 часот.
Заинтересираните правни или физички лица потребно е да поднесат Барање во општина Чешиново-Облешево со платена административна такса (100 денари) каде ќе бидат информирани за понатамошната постапка и начинот на уплата на средствата .
Изборот на закупецот односно издавањето на просторот / локацијата ќе биде по принципот „Прв дојден прв услужен“, по приложена уплатница за извршена уплата за надоместок за закуп на јавен простор.
Барателите кои ќе изнајмат простор за поставување на штанд за продажба на прехранбени продукти и пијалоци задолжително да го имаат во предвид Законот за безбедност на храната и да постапуваат согласно истиот.
Контакт лице од Општина Чешиново-Облешево
Далибор Арсов 071-200-806
Општина Чешиново-Облешево
Градоначалник
Јорданче Костадинов









