Продолжува изградбата на патниот правец Бурилчево-Аргулица
Во текот на изминатиот период во општина Чешиново-Облешево се работеше на изградба на патниот правец Бурилчево-Аргулица. Деновиве започната е втората фаза од неговата изградба и се одвиваат подготвителни активности на теренот, односно по завршување на тампонирањето ќе се пристапи и кон негово асфалтирање и комплетно завршување на овој патен правец.
Овој патен правец е во должина од 3,5 километри и ќе овозможи поврзување на општина Чешиново-Облешево со општина Карбинци. Изградбата на овој пат е од големо значење за жителите кои гравитираат кон двете општини и во меѓусебна соoбраќајна комуникација скратуваат 25 километри за поврзување со општина Штип. Со комплетно завршување на изградбата на овој пат жителите на Чешиново-Облешево ќе добијат нова сообраќајна делница кој ќе ги поврзува со општина Карбинци и општина Штип.