Одбележан 6-ти мај – „Денот на штркот“

Со пригодна програма денес, 06.05.2016 година, Општина Чешиново-Облешево во соработка со двете основни училишта во општината го одбележа 6-ти мај -„Денот на штркот“. Манифестацијата се одржа во „Паркот на штркот“ во Чешиново. На манифестацијата со свои музички настапи се претставија учениците од IV и V одделение како и најмалите од градинката „Ѕвездички“ од Чешиново. По повод распишаниот литературен и ликовен конкурс доделени беа и награди за најдобрите творби. На крајот одржана беше и едукативна работилница за изработка на сувенири. На манифестацијата присуствуваше и познатиот македонски сликар Живко Поповски-Цветин кој за време на манифестацијата наслика слика по повод овој ден. Градоначалникот Костадин Личков исто така присуствуваше на оваа несекојдневна манифестација во Чешиново-Облешево.