Изградба на пристапна рампа

Согласно акциониот план на Министерството за труд и социјална политика за изградба на пристапни рампи за лицата со инвалидност а со цел подобрување на условите и поголема достапност на Јавните установи, Општина Чешиново-Облешево почна со изградба на пристапна рампа на влезот во општинската зграда во Облешево. Ваков вид на пристапни рампи досега се изградени и во другите Јавни установи од општината како во централните основни училишта така и во подрачните од ООУ„Страшо Пинџур“ и ООУ„Климент Охридски“. Со оваа активност на лицата со посебни потреби им се подобруваат условите за живот односно им се овозможува поголема достапност до јавните установи а со тоа и полесно обавување на секојдневните обврски.