Добредојде од градоначалникот до новите првачиња
1-ви септември е денот кога сите ние сме започнале една нова фаза од животот. Тоа е денот кога сите ние за прв пат сме седнале во училишните клупи. Тогаш сите сме сфатиле дека образованието е битно во развојот на нас како индивидуи. Знаењето и вештините стекнати во текот на образовниот процес ни овозможуваат развивање и ни ветуваат подобра иднина. За успешно општество се потребни успешни луѓе. Знаењето е нераскинлив дел од успесите. Само така можеме да одиме напред!
Градоначалникот Костадин Личков како секоја година така и оваа на првиот училишен ден беше во посета на двете основни училишта во општината: „Страшо Пинџур“ – с.Соколарци и „Климент Охридски“ во Облешево. Тој ги поздрави новите првачиња, и им посака многу успеси во понатамошното образование. На првачињата им врачи и пригодни подароци.