Посета на градежните активности на патот Бурилчево-Аргулица

Денес, 21.04.2016 година, во посета на градежните активности на патот Бурилчево-Аргулица, беше министерот за транспорт и врски Владо Мисајловски. Овој патен правец во должина од 3,5 километри е од големо значење за жителите кои гравитираат кон двете општини и во меѓусебна собраќајна комуникација скратуваат 25 километри. Изградбата на овој пат беше најавена уште во мај 2014 кога започна изградбата на патот Видовиште –Теранци кој општина Чешиново-Облешево ја поврзува со соседната општина Зрновци. По изградбата на патот Видовиште –Теранци сега се работи на поврзување на Чешиново-Облешево со Карбинци а по неговото комплетно завршување во кус рок се очекува да се продолжи и со изградба на патот Теранци-Бурилчево . Со нивно комплетно завршување трите општини Зрновци, Чешиново-Облешево и Карбинци ќе добијат нова собраќајна делница кој ќе ги поврзува со Штип.