Повеќенаменското игралиште во Облешево во завршна фаза
Во завршна фаза е изградбата на Повеќенаменското спортско игралиште во Облешево .
Оваа недела започнато е со оградување на веќе асфалтираниот теренот со транспарентна жичана ограда висока шест метри. Димензиите на ова игралиште се 42.10/25.10 м. Повеќенаменското спортско игралиште во Облешево ќе содржи терени за ракомет, фудбал и кошарка. Игралиштето исто така ќе биде целосно осветлено за да може рекреативно да се користи и во вечерните часови.
Вредноста на инвестицијата за новото повеќенаменско спортско игралиште е околу 7 милиони денари и е дел од проектот „100 повеќенаменски игралишта“ како инвестиција на Владата на Република Македонија,
Општина Чешиново-Облешево тука не престанува да инвестира во најмладите и својата иднина така што ќе продолжи да се стреми кон реализирање на уште повеќе проекти и игралишта во сите населени места во општината каде младите ќе го градат својот натпреварувачки и спортски дух и здрав начин на живеење.