„Засади успех“ – Ден на дрвото во Општина Чешиново-Облешево

Традиционално и оваа година во Општина Чешиново-Облешево беше спроведена акцијата ден на дрвото која оваа година е под мотото „Засади успех“. Мотото е со цел да се потсетиме на сите претходни успешни акции. Се засадуваа дрвца на неколку локации. Општинската администрација заедно со градоначалникот Костадин Личков засадуваа дрвца во паркот во с.Облешево како и околу општинската зграда. Учениците од централните училишта „Климент Охридски“ од Облешево и „Страшо Пинџур“ од Чешиново засадуваа во близина на игралиштата а во подрачните училишта акцијата беше спроведена во училишните дворови. Во акцијата се вклучија и најмалите од градинката „Ѕвездички“ од Чешиново кои покажаа дека уште од мали нози треба да се грижиме за природата. Вкупно оваа година беа засадени околу 2500 дрвца и тоа: црн бор, бел бор и чемпрес. Да се надеваме дека голем дел од нив ќе се зафатат и ќе придонесат за здрава и чиста животна средина.