Завршен проектот „Превенција од Никотиноманија“

Денес во ОУ„Климент Охридски “ во Облешево се одржаа спортски натпревари помеѓу училиштата ОУ„Климент Охридски “ Облешево и ОУ„Страшо Пинџур“ Соколарци , како последна активност предвидена во програмата за спроведување на проект на тема „Превенција од Никотиноманија“ кој започна во почетокот на јануари 2016 и беше спроведен од страна на општина Чешиново-Облешево во соработка со претставници од Одделението за превенција при СВР Штип и двете основни училишта ОУ„Климент Охридски “ Облешево и ОУ„Страшо Пинџур“ Соколарци.
Општа цел за реализација на овој проект е заштита на младите од никотинот и намалување на бројот на млади кои би започнале да употребуваат цигари. Овој проект се спроведе со цел да придонесе за подигање на свеста кај младите за штетните последици од употреба на цигари.
Со Проектот беа опфатени неколку активности и тоа :
– Обука на врснички едукатори , од основните училишта ;
– Одржување на едукативни предавања на учениците од V до IX одделение; и
– Одржување на спортски натпревари во рамки на училиштата; Одржување на спортски натпревари помеѓу училиштата;
Со овој проект се опфатени учениците од V до IX одделение или вкупно 250 ученика , а на денешната активност активно учество покрај учениците , наставниците имаа и неколку родители.