Бесплатен летен одмор за најдобрите ученици
За прв пат оваа година со средства издвоени од Буџетот на локалната самоуправа, најдобрите дваесет ученици од ООУ„Климент Охридски“ и ООУ„Страшо Пинџур “ од општина Чешиново-Облешево ќе заминат на летен одмор во Дојран .
Денес, во просториите на Општина Чешиново-Облешево, градоначалникот Костадин Личков, одржа прием за најдобрите ученици и првенците на генерацијата од основните училишта на територијата на локалната самоуправа. Станува збор за учениците кои се покажале на многу држави натпревари и со својот успех придонесоа за афирмација на општината .
Градоначалникот Личков ги пофали учениците за постигнатиот успех, истакнувајќи дека само со вложен труд во себе, упорност и со постојано учење можат да напредуваат во животот, и им посака многу успех во понатамошното учењето.
Оваа активност се спроведува со цел за поголема мотивираност кај учениците за постигање на многу успеси во учењето.