Министерот Владо Мисајловски во посета на мостот кај с.Жиганци
Денес, 21.04.2016 година, министерот за транспорт и врски Владо Мисајловски беше во посета на Општина Чешиново-Облешево. Тој заедно со градоначалникот Костадин Личков го посетија новоизградениот мост кој ги сврзува селата Жиганци и Пишица. Мостот е од особено значење за жителите на Општина Чешиново-Облешево бидејќи нашата општина со него се поврзува со соседната Општина Пробиштип. Долг е 51 метар, широк е 5,9 метри, со носивост од 15 тона. Сретствата за мостот беа обезбедени преку програмата за Рурален развој, од која издвоени беа 20 милиони денари, со финансиско учество од 1,5 милиони денари од Општина Чешиново-Облешево.