Општина Чешиново-Облешево се наоѓа во најнискиот рамничарски предел од Кочанско Поле. Зафаќа простор во средното сливно подрачје на реката Брегалница, во подножјето на планините Осогово и Плачковица.Општината зазема средишна позиција помеѓу поголемите градски општини Кочани, Штип и Пробиштип. Преку главната сообраќајница Штип-Кочани-Делчево, општината се поврзува со Р. Бугарија.
Општина Чешиново-Облешево зафаќа територија од 133,5 км2, на која се протегаат следните населени места: Чешиново, Облешево, Соколарци, Спанчево, Теранци, Чифлик, Кучичино, Бурилчево, Уларци, Жиганци, Бања, Врбица, Новоселани и Лепопелци. Седиште на општината е Облешево.
Целокупниот регион на општината е поделен на рамничарски дел- обработливо земјиште 6.618 ха и планински дел-шуми 1.045,3 ха. Просечната надморска височина во општината изнесува 338.Изразено по населени места тоа изгледа вака:
Аграрна структура на атарот во ха
Населба | Над.височина | Површ.во атарот(км2) | Вк.аграрнаповршина | Обработливоземјиште | пасишта | шуми |
Облешево | 305 | 6,3 | 587 | 579 | 8 | 0,6 |
Бања | 370 | 10,4 | 865 | 401 | 461 | 3 |
Бурилчево | 330 | 5,6 | 516 | 286 | 224 | 6 |
Кучичино | 320 | 10,2 | 936 | 422 | 509 | 5 |
Новоселани | 330 | 2,1 | 183 | 162 | 21 | 0,2 |
Спанчево | 350 | 17,6 | 1289 | 484 | 785 | 20 |
Теранци | 340-400 | 21,6 | 2012 | 614 | 445 | 953 |
Уларци | 305 | 5,3 | 439 | 408 | 18 | 13 |
Чифлик | 295 | 5,7 | 513 | 435 | 65 | 13 |
Чешиново | 335 | 7,0 | 634 | 619 | 15 | – |
Врбица | 430 | 11,5 | 1100 | 430 | 650 | 20 |
Жиганци | 320 | 7,2 | 641 | 577 | 60 | 4 |
Лепопелци | 330 | 4,0 | 352 | 308 | 44 | 0,5 |
Соколарци | 340 | 19,0 | 1890 | 893 | 990 | 7 |
ВКУПНО: | 133,5 | 11.957 | 6.618 | 4.295 | 1.045,3 |
Во с.Облешево, веке со години работи сточниот и зелениот пазар, еден од поголемите во Источна Македонија.